Hvalur fannst rekinn á land í fjörunni við golfvöllinn í Grindavík í gærmorgun. Í skeyti frá lögreglunni á Suðurnesjum kemur fram að vegfarendur hafi séð hvalinn skömmu áður þar sem hann veltist um í ölduróti í Arfadalsvík. Hann rak svo á land og lá dauður í fjöruborðinu skammt undan landi þegar að var komið. Lögreglan á Suðurnesjum sendi tilkynningu varðandi málið á þar til bærar stofnanir.
