Hannes Hólmasteinn Gissurarson stjórnmálaprófessor segist á Facebook ekki skilja hvers vegna Sveinn Andri Sveinsson fái stórum verkefnum úthlutað frá dómstólum. Sveinn Andri hefur löngum þótt meðal umdeildustu lögmönnum landsins en skemmst er að minnast þess að fjölmiðlar hafa ítrekað greint frá því hvernig hann hefur sóst í unglingsstúlkur.

Í gær var svo greint frá því að Sveinn Andri þyrfti að endurgreiða þrotabúi EK1923, heildverslunar sem var um tíma birgir fyrir Subway-keðjuna á Íslandi, allar greiðslur sem hann hefur ráðstafað til sín af eignum búsins. Sveinn er sagður hafa greitt sjálfum sér þóknun upp á 100 milljónir króna. Hann ku hafa greitt sjálfum sér 50 þúsund krónur á klukkustund.

Hannes deilir frétt um það og skrifar: „Mér er satt að segja ekki ljóst, hvers vegna dómstólar hafa falið þessum lögmanni vandasöm og flókin trúnaðarverkefni. Almennt vekur framganga hans ekki traust.“ Í vor var Sveinn Andri skipaður skiptastjórar þrotabús WOW air, sem er meðal stærstu þrotabúa Íslands í seinni tíð.