Landslið Tyrklands í fótbolta vakti hneykslun á dögunum þegar liðsmenn heilsuðu að hermannasið eftir að hafa skorað mark gegn Albaníu í undankeppni EM.

Með þessu eru leikmenn Tyrkland að tengja við innrás hersins í Tyrklandi á svæði Kúrda í Sýrlandi.

Leikmenn Tyrklands endurtóku leikinn í gær eftir 1-1 jafntefli við Frakkland, stig sem fer langt með að tryggja Tyrki inn á EM á kostnað Íslendinga.

Agli Helgasyni, sjónvarpsmanni á RÚV er ekki skemmt. Hann skrifar um atvikið í pistli á Eyjunni. ,,Með þessum hætti tengja leikmennirnir sig beint við innrás tyrkneska hersins á svæði Kúrda í Sýrlandi og hernaðar- og einræðishyggjuna sem gegnsýrir stjórnarhætti Erdogans forseta.“

,,Það er vægast sagt ógeðfellt. Heimskulegt. Asnalegt,“ skrifar Egill, ekki glaður.

,,Tyrkirnir eru aðalkeppinautar okkar Íslendinga um sæti í úrslitum Evrópumótsins. Það bendir allt til þess að þeir muni hafa betur. Eins leiðinlegt og það er – ekki síst ef tekið er mið af hugarfari leikmannanna.“