Davíð Steinarsson Oberman var á dögunum ákærður fyrir að hafa ollið miklum usla á lögreglustöðinni í Vestmannaeyjum.  Davíð er ákærður fyrir að hafa ítrekað hótað 7 lögreglumönnum og fjölskyldum þeirra líkamsmeiðingum og lífláti.

Davíð, sem er 28 ára gamall, er einnig ákærður fyrir að hafa borið eld að og kveikt í tveimur teppum í fangaklefa á lögreglustöðinni. Einnig á hann að hafa ollið meiri skemmdum en hann er sagður hafa rifið upp kodda og tætt svampinn úr honum. Auk þess er hann ákærður fyrir að hafa stungið göt á öll fjögur dekk kyrrstæðrar lögreglubifreiðar.

Í ákærunni er þess krafist að Davíð verði dæmdur til refsingar og greiðslu alls sakarkostnaðar. Einnig er þess krafist að Davíð borgi tæpar 200 þúsund krónur fyrir skemmdirnar á lögreglubifreiðinni.