„Nú liggur það fyrir kristaltært að ríkið rænir af mér 65 þúsund krónur á mánuði af eftirlaunum mínum, eða sjöhundruð og áttatíuþúsund á ári eftir skatt,“ segir Wilhelm Wessman. Wilhelm hefur komið víða við á ferli sínum og meðal annars verið launamaður og atvinnurekandi.

Wilhelm hefur látið sig málefni eftirlaunaþega varða á undanförnum misserum og á Facebook-síðu sinni í dag gagnrýnir hann fyrirkomulag eftirlaunagreiðslna hér á landi.

Sem fyrr segir fullyrðir hann að ríkið ræni af honum 65 þúsund krónum á mánuði.

„Þetta byggi ég á endurgreiðslu tryggingastofnunar ríkisins, sem mér barst í dag, en hún er tilkomin vegna dóms Landsréttar í máli nr.466/2018 sem Flokkur fólksins höfðaði á hendur ríkisins vegna útreikninga á eftirlaunum frá TR fyrir janúar og febrúar 2017. Ekki má rugla þessu máli saman við mál Gráa hersins sem er að fara í gang, en það snýst um að skerðingar á greiðslu TR vegna greiðslu frá lífeyrissjóð sé óheimil. Lífeyrissjóðsgreiðslur eru ekkert annað en síðtekin laun, eða eftirlaun. Launþegar greiða bæði sinn hlut og svokallaðan hlut atvinnurekanda í lífeyrissjóð mánaðarlega.“

Wilhelm segist neita að kalla eftirlaunagreiðslur frá lífeyrissjóði og Tryggingastofnun ríkisins ellilífeyri.

„Við erum ekki ÞEGAR við erum að fá greidd áunnin réttindi. Við ættu að krefjast þess af lífeyrissjóðum okkar að þeir hætti að kalli mánaðarlegar greiðslur til okkar ellilífeyrir. Þetta eru eftirlaun sem við höfum safnað með því að leggja hluta af launum okkar í sjóð og taka þau út á ævikvöldi. DEILA-DEILA-DEILA.“