El Hadji Diouf, fyrrum leikmaður Liverpool þolir í raun ekki félagið. Þessi fyrrum sóknarmaður frá Senegal er duglegur að tjá sig um málefni líðandi stundar hjá Liverpool, spádómar hans eru yfirleitt ekki mjög góðir.

Diouf er líka illa við marga af sínum gömlu liðsfélögum, þá sérstaklega Jamie Carragher og Steven Gerrard.

Diouf lék með Liverpool frá 2002 til ársins 2005 en hann spáir því að Liverpool verði ekki enskur meistari. ,,Ég sé félagið ekki gera eins vel í ár og í fyrra,“ sagð Diouf en Liverpool vann þá Meistaradeildina og endaði í öðru sæti deildarinnar.

,,Félagið fékk tækifæri til að vinna deildina í fyrra, þetta var í þeirra höndum en þeir runnu á rassgatið. Þeir áttu sjö stig í kringum jólin, ég skil ekki hvernig City vann það upp. Eins og þeir segja á Englandi, þeir fóru á taugum.“

,,Það er erfitt fyrir mig að sjá þá eiga svipað tímabil, ég efast um að þeir verði meistarar.“