fbpx
Sunnudagur 20.júlí 2025
Fréttir

Laumaðist inn í íbúð í Skógarbæ og stal Armani og Rolex-úrum

Ritstjórn DV
Mánudaginn 23. september 2019 16:30

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur dæmt karlmann í fjögurra mánaða fangelsi fyrir hegningarlaga- og umferðarlagabrot.

Maðurinn var meðal annars dæmdur fyrir að hafa, þann 4. júní 2018, farið inn í íbúð vistmanns á dvalarheimilinu Skógarbæ í Breiðholti. Þar stal hann fimm armbandsúrum af gerðinni Armani og Rolex, skartgripum og veski sem innihélt meðal annars 40 til 50 þúsund krónur í reiðufé og tvö greiðslukort. Í kjölfarið stal hann 80 þúsund krónum úr hraðbanka í Smáranum í Kópavogi.

Stuttu síðar, eða þann 11. júní, fór maðurinn inn í ólæsta bifreið við bílastæði Krónunnar í Rofabæ. Þaðan stal hann veski sem innihélt meðal annars gjafakort og lyfseðla. Í nóvember 2018 stal hann svo ýmsu lauslegu úr bíl sem hann fór inn í við verslun Byko á Skemmuvegi.

Maðurinn var einnig dæmdur fyrir umferðalgabrot en hann var í tvígang í október 2018 staðinn að akstri undir áhrifum fíkniefna.

Maðurinn sótti ekki þing við þingfestingu málsins.

Maðurinn á nokkuð langan sakaferil að baki, meðal annars fyrir þjófnað. Fjögurra mánaða fangelsisdómurinn yfir manninum er skilorðsbundinn til tveggja ára. Þá var hann sviptur ökuréttindum í fjórtán mánuði og gert að greiða sakarkostnað málsins, rúmar 190 þúsund krónur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fær ekki að byggja við Högnuhús – Eigandinn sagði hryggjarstykki málsins vera að viðbyggingin hefði engin áhrif á ásýnd götunnar

Fær ekki að byggja við Högnuhús – Eigandinn sagði hryggjarstykki málsins vera að viðbyggingin hefði engin áhrif á ásýnd götunnar
Fréttir
Í gær

Lagði VÍS fyrir dómi eftir alvarlegt slys í sumarbústað – Sláttuvélablað skaust í fótinn

Lagði VÍS fyrir dómi eftir alvarlegt slys í sumarbústað – Sláttuvélablað skaust í fótinn
Fréttir
Í gær

Pólska sendiráðið varaði við gosinu 12 tímum of seint

Pólska sendiráðið varaði við gosinu 12 tímum of seint
Fréttir
Í gær

Er í gæsluvarðhaldi grunaður um íkveikju að Grænásbraut – Sagðist hafa hellt bensíni og kveikt í

Er í gæsluvarðhaldi grunaður um íkveikju að Grænásbraut – Sagðist hafa hellt bensíni og kveikt í
Fréttir
Fyrir 2 dögum

Svona á Birkimelur 1 að líta út – Borgin framlengir frest til athugasemda

Svona á Birkimelur 1 að líta út – Borgin framlengir frest til athugasemda
Fréttir
Fyrir 2 dögum

Milljarða gjaldþrot Guðmundar á Núpum frá 2013 endurupptekið – Fundu 300 þúsund kall í viðbót

Milljarða gjaldþrot Guðmundar á Núpum frá 2013 endurupptekið – Fundu 300 þúsund kall í viðbót