,,Ég átti ekki von á því að gráta í þessu viðtali,“ sagði Cristiano Ronaldo í einlægu viðtali við fjölmiðlamanninn Piers Morgan. Brot úr viðtalinu birtist í dag.
Morgan sýndi þá Ronaldo myndband af föður hans sem leikmanni. Faðir Ronaldo lést árið 2005 þegar kappinn var að byrja feril sinn hjá Manchester United.
Síðan þá hefur hann verið besti knattspyrnumaður í heimi og afrekað mikið á Englandi, Spáni og Ítalíu. ,,Ég hafði aldrei séð þetta myndband.“
,,Hann sá ekki þegar ég varð bestur, hann sá ekki afrek mín. Ég verð að eignast þetta myndband,“ sagði Ronaldo.
Ronaldo ræddi svo um föður sinn sem var alkóhólisti. ,,Ég þekkti ekki faðir minn 100 prósent, hann var fyllibytta. Ég átti aldrei eðlilegt samtal við hann, það var erfitt.“
Tár Ronaldo má sjá hér að neðan.
