Raunveruleikastjarnan og frumkvöðullinn Kim Kardashian setti nýverið á markað undirföt og aðhaldsfatnað undir nafninu SKIMS.
Á Instagram-síðu sinni útskýrir Kim af hverju hún fór út í að hanna slíkan fatnað, þá sérstaklega aðhaldsfatnað.
„Æi, ég hef gert svo mörg mistök með aðhaldsfatnað og hef klúðrað svo oft,“ skrifar Kim við myndband þar sem hún sýnir hvernig mistök á rauða dreglinum hún hefur gert. „Sjáið þennan kjól sem ég var í á People’s Choice-verðlaunahátíðinni í fyrra. Maður sér greinilega aðhaldsfatnaðinn!“
Kim segir að hún hefði klætt sig öðruvísi ef hún hefði haft meiri tíma en í raun hefði hún þurft að vera í aðhaldsfatnaði sem væri líkari húðtóni hennar.
„Ég gerði þessi mistök ekki viljandi – ég bara hafði ekki um annað að velja,“ skrifar Kim. Hún segir í myndbandinu að hún glími ekki við þetta vandamál lengur þar sem hægt er að velja um nokkra liti í SKIMS-línunni hennar.
Myndbandið má sjá hér fyrir neðan:
https://www.instagram.com/p/B2OzpDAgoWo/