fbpx
Miðvikudagur 23.júlí 2025
Fréttir

Ertu á leið til Spánar? Þá þarf Sindri strokufangi þína aðstoð

Ritstjórn DV
Föstudaginn 13. september 2019 13:50

Ekki missa af Helstu tíðindum dagsins í pósthólfið þitt

Lesa nánar

Þekktasti strokufangi Íslands, Sindri Stefánsson, virðist njóta lífsins á Costa Blanca svæðinu á Spáni þrátt fyrir að hafa verið dæmdur í fjögurra og hálfs árs fangelsi í janúar. Fyrir utan að hann sárvantar íslenskt tóbak. Sindri óskar eftir aðstoð við þetta innan Facebook-hópsins Íslendingar á Spáni Costa Blanca Svæðinu. „Einhver að koma á næstu og gæti tekið smá íslenskt tóbak?,“ skrifar Sindri þar.

Sindri virðist hafa verið staddur þar í nokkurn tíma því innan þess hóps hefur hann ítrekað komið með fyrirspurnir undanfarna mánuði. Síðastliðinn apríl spurði Sindri: „Vitiði um einhverjar skemmtilegar sundlaugar á svæðinu? bæði fyrir krakka og jafnvel notalegt fyrir okkur eldri. Íslenska sundið er einstakt, maður sér það núna!“

Síðastliðinn júlí spurði hann aðra Íslendinga hvort það væri eitthvað almennilegt bíó í Alicante sem sýndi myndir á ensku. Það vekur svo athygli að um svipað leyti og hann var dæmdur í fjögurra ára fangelsi í janúar spurði hann: „Þið sem hafið fengið búslóð flutta hingað út. Hvaða tollmiðlara notuðu þið hérna á Spáni?“

Miðað við þessar fyrirspurnir hans mætti halda að Sindri hefði ekki hlotið þungan dóm fyrr á þessu ári. Þá var hann dæmdur í Bitcoin-málinu svokallaða. Málið snýst um tölvur sem var stolið úr þremur gagnaverum í desember 2017 og janúar 2018, en tölvurnar eiga að grafa eftir rafmyntinni Bitcoin. Tölvurnar hafa aldrei fundist. Ekki er vitað hví Sindri er ekki enn kominn í fangelsi.

Sjö voru ákærðir í málinu, þar var Sindri sagður höfuðpaur. Matthías Jón Karlsson var dæmdur tveggja og hálfs árs fangelsi. Hafþór Logi Hlynsson hlaut tuttugu mánaða dóm. Pétur Stanislav Karlsson og Viktor Ingi Jónasson hlutu átján mánaða fangelsisdóm. Ívar Gylfason var dæmdur í fimmtán mánaða skilorðsbundið fangelsi og Kjartan Sveinarsson í sex mánaða fangelsi. Advania voru dæmdar 33 milljónir króna í miskabætur.

Sindri varð frægur hér á landi eftir að hann strauk úr gæsluvarðhaldi og flaug í sömu flugvél og Katrín Jakobsdóttir forsætisráðherra til Svíþjóðar síðasta vor. Sindri var síðar handtekinn í Amsterdam.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Ekki vitað hvað fyrirhuguð brottfararstöð fyrir útlendinga mun kosta

Ekki vitað hvað fyrirhuguð brottfararstöð fyrir útlendinga mun kosta
Fréttir
Fyrir 23 klukkutímum

Trefjar smíða björgunarbát fyrir Björgunarsveit Hafnarfjarðar

Trefjar smíða björgunarbát fyrir Björgunarsveit Hafnarfjarðar
Fréttir
Í gær

Kona í Grafarvogi greindi frá þjófnaði Wolt sendils en viðbrögðin voru önnur en hún átti von á – „Þetta er með furðulegustu sögum sem ég hef heyrt“

Kona í Grafarvogi greindi frá þjófnaði Wolt sendils en viðbrögðin voru önnur en hún átti von á – „Þetta er með furðulegustu sögum sem ég hef heyrt“
Fréttir
Í gær

Áslaug Arna setur upp slæðu til styrktar góðs málefnis

Áslaug Arna setur upp slæðu til styrktar góðs málefnis
Fréttir
Í gær

Gramir garðyrkjumenn flýja Karl konung – Nirfilsháttur og eitruð vinnumenning sögð fylgja stjórnsömum sprotakarli

Gramir garðyrkjumenn flýja Karl konung – Nirfilsháttur og eitruð vinnumenning sögð fylgja stjórnsömum sprotakarli
Fréttir
Í gær

Sakar stjórnarandstöðuna um rógburð og lygar í garð strandveiðisjómanna – „Setja upp hvolpaaugu og ljúga“

Sakar stjórnarandstöðuna um rógburð og lygar í garð strandveiðisjómanna – „Setja upp hvolpaaugu og ljúga“
Fréttir
Fyrir 2 dögum

Ósáttur við framkomu ferðamanna – „Er engin virðing fyrir náttúrunni lengur til?“

Ósáttur við framkomu ferðamanna – „Er engin virðing fyrir náttúrunni lengur til?“
Fréttir
Fyrir 2 dögum

Bíl merktum Isavia stolið í gær – „Öryggisatvik átti sér stað“

Bíl merktum Isavia stolið í gær – „Öryggisatvik átti sér stað“