Kolbeinn Sigþórsson komst á blað í gær er íslenska landsliðið spilaði við Albaníu í undankeppni EM.
Kolbeinn og strákarnir þurftu að sætta sig við 4-2 tap en framherjinn kom inná sem varamaður.
Kolbeinn er nú aðeins einu marki frá Eiði Smára Guðjohnsen sem er markahæsti leikmaður í sögu Íslands.
Eiður skoraði 26 mörk fyrir landsliðið á sínum ferli en hann hefur lagt skóna frægu á hilluna.
Kolbeinn á nóg eftir af ferlinum og er með 25 mörk. Hann mun því að öllum líkindum slá met Eiðs.