Steven Davis, leikmaður Rangers, spilaði sinn 112. landsleik fyrir Norður-Írland gegn Lúxemborg á fimmtudag.

Michael O’Neill, landsliðsþjálfari Norður-Íra, er aðdáandi David sem þarf að spila sex leiki til að jafna leikjamet Pat Jennings.

O’Neill líkir Davis við portúgölsku goðsögnina Cristiano Ronaldo en þeir eru báðir 34 ára að aldri.

,,Þetta er frábært afrek. Hann böggaði mig alla vikuna til að fá fimm mínútur gegn Lúxemborg og ég gaf eftir,“ sagði O’Neill.

,,Í gærkvöldi þá horfði ég á Cristiano Ronaldo spila 34 ára gamall fyrir landsliðið og sá hversu þýðingarmikið það er fyrir hann. Það gerir landsliðsfótbolta svo sérstakan.“

,,Steven á skilið að það sé talað um hann á sama hátt því ég held að hann muni brjóta met Pat Jennings.“