Það getur verið gaman að skoða fasteignaauglýsingar og sjá þær fasteignir sem eru í boði út um allt land. Óhætt er að segja að allir geti fundið eitthvað við sitt hæfi, hvort sem það eru stórar eða litlar eignir og dýrar eða ódýrar.
Við tókum að gamni saman nokkur einbýlishús hér á landi sem eiga það sameiginlegt að vera ódýr – að minnsta kosti í samanburði við önnur einbýlishús. Hafa ber í huga að ekki er tekið tillit til ástands húsanna, en sum þurfa augljóslega á talsverðu viðhaldi að halda. Þau ættu þó að henta laghentum einstaklega vel.
Það hefur verið tiltölulega rólegt á fasteignamarkaðnum hér á landi að undanförnu eftir miklar verðhækkanir fyrir nokkrum misserum. Samkvæmt tölum Þjóðskrár, sem Hagfræðideild Landsbankans, vísaði til á dögunum hefur tólf mánaða hækkun á sérbýli verið 2,1 prósent á höfuðborgarsvæðinu. Hefur ákveðin kyrrstaða einkennt markaðinn að undanförnu.
Stærð: 174,6 fermetrar
Byggingarár: 1951
Verð: 8,2 milljónir
Í lýsingu fasteignasölunnar Höfðabergs kemur fram að hér sé um að ræða einbýlishús með flottu útsýni. Fjögur svefnherbergi eru í húsinu og tæplega 23 fermetra bílskýr. Lóðin er skráð 990 fermetrar. Þá kemur fram að komið sé að viðhaldi á húsinu að innan og utan og ekki sé vitað um ástand lagna.
Hér er um að ræða 105 ára gamalt steinhús á Eskifirði sem stendur á þúsund fermetra eignarlóð. Af myndum að dæma er ástand hússins þokkalegt, miðað við aldur að minnsta kosti.
Stærð: 95 fermetrar
Byggingarár: 1914
Verð: 8,5 milljónir
Annað hús við Aðalbraut á Raufarhöfn. Húsið er rétt rúmir 200 fermetrar og kostar aðeins 9,0 milljónir króna. Fimm svefnherbergi eru í húsinu. Í auglýsingu vegna hússins stendur að komið sé að viðhaldi bæði að innan og utan, þakjárni, rennum, niðurföllum, gluggum og gleri. „ „Aðkoman er sæmileg, malarborið bílastæði við húsið. Lóðin er skráð 600fm., gróin garður í kringum húsið og timburverönd með skjóli er við SV-hornið. Útsýni er gott út á sjóinn,“ segir ennfremur.
Stærð: 200,8 fermetrar
Byggingarár: 1957
Verð: 9,0 milljónir
Hér er um að ræða 110 ára gamalt einbýlishús á Suðureyri. Um er að ræða hús á einni hæð ásamt risi og kjallara. Eitt svefnherbergi er í húsinu, rúmgóð stofa með parketi á gólfi og eldhús með gamalli innréttingu. Lítið kemur fram um ástand hússins.
Stærð: 75,4 fermetrar
Byggingarár: 1909
Verð: 6,9 milljónir
Þetta er einbýlishús á einni hæð og er hluti hússins klæddur að utan með bárujárni. Tvö svefnherbergi eru í húsinu og er plastparket á gólfum. Húsið er byggt árið 1920 og verður því hundrað ára á næsta ári.
Stærð: 94,1 fermetri
Byggingarár: 1920
Verð: 9,8 milljónir
