Danshjónin Hanna Rún og Nikita Bazev eiga von á sínu öðru barni saman, en fyrir eiga þau fimm ára gamlan son. Hanna Rún og Nikita gengu í það heilaga þegar að sonurinn var nýfæddur og geislar af þeim hamingjan, en hvernig eiga stjörnumerki þeirra saman?

Hanna Rún er krabbi en Nikita er tvíburi. Þegar þessi tvö merki koma saman getur sambandið orðið ansi áhugavert. Krabbinn er mjög tilfinningaríkur og á oft erfitt með að gera sig almennilega skiljanlegan, en skýr skilaboð eru það sem tvíburinn treystir á. Því geta þessi tvö merki kennt hvort öðru ansi mikið.

Tvíburinn er tungulipur og hvetur krabbann til að koma meira út úr skelinni, en krabbinn kennir tvíburanum að slaka á og vera í núinu, eitthvað sem tvíburinn á mjög erfitt með. Þessi tvö merki horfa á heiminn mjög ólíkum augum og því þurfa þau að skilja og samþykkja hve ólík þau eru. Ef það gengur upp gengur sambandið eins og í sögu.

Krabbinn er hjartað á heimilinu og gerir allt sem hann getur til að fegra umhverfi sitt. Fjölskyldan er í fyrsta, öðru og þriðja sæti hjá krabbanum og gerir hann hvað sem er til að halda henni glaðri og tekur oft ákvarðanir án þess að hugsa. Tvíburinn er hins vegar mikill hugsuður og vill hafa allt útpælt áður en látið er til skarar skríða. Tvíburinn þarf hins vegar að gæta þess að veita krabbanum mikla ást og umhyggju, því hann þrífst á henni.

Hanna Rún
Fædd: 17. júlí 1990
krabbi
-hugmyndarík
-traust
-tilfinningarík
-geðþekk
-óörugg
-skapstór

Nikita Bazev
Fæddur: 12. júní 1987
tvíburi
-blíður
-forvitinn
-fljótur að læra
-með góða aðlögunarhæfni
-óstyrkur
-óákveðinn