Jonathan Fabbro er nafn sem einhverjir ættu að kannast við en hann er fyrrum landsliðsmaður Paragvæ.

Fabbro var góður leikmaður á sínum tíma og lék á meðal annars með Boca Juniors og River Plate.

Hann er þó þekktastur fyrir tíma sinn hjá Guarani og Cerro Porteno í Paragvæ. Hann lagði skóna á hilluna árið 2017.

Fabbro hefur nú verið dæmdur í 14 ára fangelsi fyrir að brjóta kynferðislega á sex ára frænku sinni.

Barnaníðingurinn var fundinn sekur um að hafa brotið allavega fimm sinnum á stelpunni frá 2015 til 2017.

Hann var fyrst handtekinn fyrir tveimur árum síðan en hefur ávallt neitað sök. Nú er búið að dæma í málinu.

,,Dóttir mín er mjög hugrökk því hún ákvað að tjá sig. Ég vil bara fara heim og faðma hana. Allt er sársaukafullt,“ sagði móðir stelpunnar.

Bróðir stelpunnar tjáði sig einnig í dómstólnum og segir hann að fangelsisdómurinn sé alltof stuttur og að Fabbro ætti skilið að sitja inni alla ævi.

The Times greinir frá því að það hafi liðið yfir kærustu Fabbro, Larissa Riquelme, í salnum en hún er fyrirsæta frá Paragvæ.

Fabbro er mjög þekktur í Suður-Ameríku en hann lék 13 landsleiki fyrir sterkt landslið Paragvæ.