,,The Sun var í þessari viku með frétt á forsíðu sinni, sem lét líta út fyrir að ég hefði tekið stelpu á hótelið mitt. Þeir vita að það er eki satt og að ég gerði það ekki. Þeir nota nafn mitt og fjölskyldu minnar til að selja blöð,“ skrifar Wayne Rooney, framherja DC United í yfirlýsingu sinni í dag.

The Sun fjallaði um það á mánudag að Rooney hefði farið út á lífið í Vancouver í Kanada, þar hafi hann spjallað við margar konur. Hann hafi svo tekið eina af þeim með sér í lyftuna á hóteli sínu.

,,Það gerðist ekkert hjá mér og neinni stelpu, þetta kvöld í Vancouver. Ég fór ekki einn í lyftu með stelpunni sem var mynduð á hótelinu. Stelpan á næturklúbbnum var ein af mörgum sem bað um mynd og áritun.“

Hann segir að myndirnar sem The Sun birti hafa verið teknar úr samhengi og breytt.

,,Myndirnar sem The Sun birti voru teknar af áhugaljósmyndara sem var langt í burtu, við vissum ekki af honum. Myndirnar sem voru seldar The Sun voru sérvaldar og búið að vinna þær, þetta er ósönn saga.“

,,Öll sagan var til að koma höggi á mig, þetta skaðar mig og fjölskyldu mína. Ég læt ekki vaða svona yfir mig.“