Howard Webb er nafn sem flestir knattspyrnuaðdáendur kannast við en hann er fyrrum dómari í ensku úrvalsdeildinni.

Webb hefur lagt flautuna á hilluna en hann er 48 ára gamall og starfar nú aðallega í sjónvarpi.

Webb lenti í ansi sérstöku atviki um helgina en hann reyndi þá að komast inn á bar í Bandaríkjunum.

Í Bandaríkjunum þá þarftu ávallt að mæta með skilríki á skemmtistaði þó að það sé augljóst að þú sért eldri en 21 árs.

Webb gleymdi öllum skilríkjum og fékk þau skilaboð að hann mætti því ekki stíga inn fyrir.

Vinur Webb ákvað þá að taka til sinna ráða og sýndi öryggisverði staðarins Wikipedia-síðu Webb þar sem nóg af efni er til staðar.

Á síðunni má einnig sjá mynd af Webb og fékk hann loksins grænt ljós að fara inn ásamt vinum sínum.