Virgil van Dijk, leikmaður Liverpool, hefur nefnt besta leikmann sem hann hefur spilað með á ferlinum.
Van Dijk er einn öflugasti varnarmaður Evrópu og hefur spilað með liðum eins og Liverpool, Celtic og Southampton.
Hollendingurinn á einnig góða samherja í landsliðinu en nefnir þó Roberto Firmino sem besta liðsfélagann.
,,Ég ætla ekki að vera alveg hlutlaus hérna og nefni einn af liðsfélögum mínum; ég myndi segja Roberto Firmino,“ sagði Van Dijk.
Van Dijk ræddi við talkSPORT og sagði þá að Sergio Aguero væri erfiðasti sóknarmaður sem hann hefur mætt.
