Phil Jagielka, stjörnu í ensku úrvalsdeildinni var sparkað út af heimili sínu á dögunum eftir að upp komst um framhjáhald. Emily, eiginkona hans, fékk nóg eftir að Jagileka var lítið heima hjá sér. Hann hafði að sögn eytt miklum tíma með Holly Young sem er fyrirsæta frá Ástralíu.

Young var áður kærasta Usain Bolt sem á meðal annars heimsmetið í 100 metra hlaupi.

Jagileka var sparkað út af heimili sínu í upphafi sumars, eftir að Emily fékk nóg af framhjáhaldi hans. Emily býr í húsinu sem kostar 450 milljónir.

Jagielka viðurkenndi framhjáhaldið eftir að Emily gekk á hann, hann er nú sagður búa með Holly Young í Manchester.

Jagielka yfirgaf Everton í sumar og gekk í raðir Sheffield United. Holly hafði sagt frá því að hún ætti í sambandi við knattspyrnumann sem gæfi henni mikið af gjöfum. Þá hefði hann splæst í brjóstastækkunaraðgerð sem kostaði sem nemur einni og hálfri milljón króna.

Hér að neðan er Holly með Usain Bolt árið 2017.