Alfreð Finnbogason framherji Augsburg hefur framlengt samning sinn til 2022. Framherjinn átti ár eftir af samningi sínum og var þetta kynnt í gær.
Samningurinn var kynntur með flottu myndbandi frá Íslandi þar sem Alfreð fór með fólk um landið.
,,Mitt land, mitt félag,“ skrifaði Alfreð þegar hann birti myndbandið á Twitter.
DR. Football, Hjörvar Hafliðason ræddi málið í hlaðvarpsþætti sínum. Þar er sagt að samningur Alfreðs sé sá stærsti í sögu Augsburg, sem leikur í þýsku úrvalsdeildinni.
,,Ég heyrði í þýskum blaðamanni, hann sagði að þetta væri lang stærsti samningur sem Augsburg hefur gert, í sögunni,“ sagði Hjörvar.
,,Árslaunin hans séu 3,5 milljónir evra. Þetta er meira en hálfur milljarður.“
Ef tölurnar sem fram koma í þættinum eru réttar, mun Alfreð þéna 1,5 milljarð á næstu þremur árum.
