FC Porto er óvænt úr leik í Meistaradeild Evrópu eftir leik við rússnenska félagið Krasnodar í kvöld.
Það er einn Íslendingur á mála hjá Krasnodar en Jón Guðni Fjóluson spilaði 25 mínútur í kvöld.
Porto vann fyrri leik liðanna 1-0 í Rússlandi og var því í frábærri stöðu fyrir seinni leikinn.
Krasnodar gerði sér hins vegar lítið fyrir og vann 3-1 sigur í Portúgal og fer áfram í næstu umferð.
Ajax er einnig komið áfram eftir leik við PAOK í Grikklandi. Sverrir Ingi Ingason leikur með PAOK en kom ekki við sögu í kvöld.
Fyrri leiknum lauk með 2-2 jafntefli í Grikklandi og hafði Ajax betur 3-2 í seinni viðureigninni.
Celtic er þá óvænt úr leik í Meistaradeildinni eftir leik við CFR Cluj frá Rúmeníu.
Fyrri leikurinn fór 1-1 í Rúmeníu og leik kvöldsins lauk með 4-3 sigri Cluj í Skotlandi.
