Í myndbandinu má sjá mann verða fyrir bíl eftir að hafa komið á hraðferð inn á Urðarbraut í Kópavogi. Lögregla segir að meiðsli mannsins séu minni háttar en maðurinn var án reiðhjólahjálms.
„Við höfum þetta mál til rannsóknar og höfum séð þetta myndband. Þarna var um ógætilegan akstur að ræða, hann kemur bara í gegnum runna og inn á götuna og upp á bílinn.“
sagði Heimir Ríkharðsson, lögreglufulltrúi hjá lögreglunni í Kópavogi, í samtali við MBL um málið.
„Þetta er svakalegt myndband. Fyrst þegar ég sá þetta hrökk ég í kút. Við höfum farið og skoðað vettvang og hann sem sagt kemur á fleygiferð niður brekku og nær þannig hraða að hann ætlar bara að stökkva inn á götuna. Hann taldi að það væri enginn bíll.“
Slysið er vikugamalt en Heimir segir að hjólreiðamaðurinn hafa farið yfir Rútstúnið og því næst á milli tveggja runna áður en hann skaust inn á Urðarbrautina.
„Hjólið og bíllinn skemmdust og hann var ekki með reiðhjólahjálm og kvartaði yfir eymslum“
Maðurinn var fluttur á slysadeild með minniháttar áverka.
