Inga Blöndal er látin, tæplega 44 ára gömul. Hún fæddist þann 13. september árið 1975 og lést rétt eftir miðnætti í nótt, 26. júlí.
Inga starfaði hjá Sýslumanninum á höfuðborgarsvæðinu. Hún lætur eftir sig eiginmann, tvö börn og einn stjúpson.
Inga greindist með krabbamein vorið 2018 og lagðist inn á líknardeild þriðjudaginn 16. júlí. Hún sýndi mikið æðruleysi í veikindunum og gífurlegan andlegan styrk. Inga er sögð hafa verið afar sterk kona og var áfram mjög virk eftir að hún veiktist.
Inga kvaddi vini sína áður en hún skildi við þennan heim. Í kveðjuorðum sínum óskar hún samferðarfólki sínu alls hins besta í lífinu, segir því að njóta lífsins og biður það um að hugsa hlýlega til ástvina hennar.
Eftirlifandi eiginmaður Ingu Blöndal er Hjálmar Diego Haðarson. Börn þeirra eru Soffía Erla 15 ára, Jónas Bergmann tæplega 13 ára og stjúpsonurinn Hjálmar Arnar 24 ára.
DV sendir ástvinum Ingu innilegar samúðarkveðjur.
