Í morgun barst lögreglunni tilkynning um tvo menn sem höfðu ruðst inn í íbúð í miðborginni og veittust að húsráðanda. Stuttu síðar óku þeir á brott á bíl.

Lögreglumenn komu auga á bílinn stuttu seinna þar sem honum var ekið austur Bústaðarveg. Lögreglumenn gáfu ökumanni merki um að stöðva akstur sem hann gerði ekki og hófst þá eftirför. Að lokum stöðvaði ökumaður bílinn og var hann ásamt einum farþega handteknir. Reyndust þeir báðir vera undir áhrifum áfengis og fíkniefna ásamt því að vera með fíkniefni meðferðis. Ekki er vitað hvað þeim stóð til en þeir gista báðir  fangageymslu lögreglu þar til hægt verður að taka af þeim skýrslu varðandi málið.