Sara Mansour, blaðamaður á Stundinni í hjáverkum, fullyrðir á Twitter að frægir menn á Íslandi misnoti aðstöðu sína og fái kynferðislega greiða hjá óstálpuðum stúlkum.

Sara, sem hefur verið verðlaunuð af Junior Chamber International á Íslandi fyrir framlag sitt til barna, heimsfriðar og mannréttindamála, útskýrir þetta ekki nánar en tíst hennar hefur vakið talsverða athygli.

„Þetta tweet er til allra frægra stráka á Íslandi sem misnota valdastöðu sína til að fá kynferðislega greiða frá miklu yngri og óþroskaðri stelpum. Ég skil ekki hvers vegna þetta vandamál er hunsað en ég sé ykkur, fokking predatorar,“ skrifar Sara.

Tístið hefur nú þegar fengið ríflega 300 læk á Twitter, sem telst nokkuð mikið, og hafa þekktir femínistar, svo sem Hildur Lilliendahl og Elísabet Ýr Atladóttir endurbirt það.

Ummæli Söru á samfélagsmiðlum hafa áður vakið athygli en í fyrra gagnrýndi hún harðlega þá Íslendinga sem horfðu á HM í fótbolta karla í Rússlandi. Hún sagði enn fremur í fyrra að hún hafi sniðgengið Eurovision til margra ára.

Þetta tweet er til allra frægra stráka á Íslandi sem misnota valdastöðu sína til að fá kynferðislega greiða frá miklu yngri og óþroskaðri stelpum. Ég skil ekki hvers vegna þetta vandamál er hunsað en ég sé ykkur, fokking predatorar.

— Sara Mansour (@litlaljot) July 8, 2019