Maður hefur verið ákærður fyrir að kasta brúsa með bensíni að íbúðarhúsi í Reykjavík fyrir tæplega ári síðan. Kona sem þar býr er starfsmaður Tryggingastofnunar en maðurinn reyndi að kúga hana til að breyta og endurgreiða bótagreiðslur til hans. Þetta kemur fram í Fréttablaðinu.
Maðurinn er líka ákærður fyrir að hafa sama dag hótað öðrum starsfmönnum Tryggingastofnunar líkamsmeiðingum. Í hótunum sem maðurinn sendi með tölvupósti sagði hann við konu sem vinnur hjá Tryggingstofnun að hún og dætur hennar ættu skilið að vera stungnar með skítugri sprautunál.
Ákæran er gefin út af héraðssaksóknara.