Stjarnan 0-2 KA
0-1 Ólafur Aron Pétursson(50′)
0-2 Elfar Árni Aðalsteinsson(55′)
Stjarnan tapaði nokkuð óvænt í Pepsi Max-deild karla er liðið fékk KA í heimsókn á Samsung-völlinn.
Stjarnan var taplaus fyrir leikinn í kvöld en það voru gestirnir frá Akureyri sem höfðu betur, 2-0.
KA-menn byrjuðu seinni hálfleik virkilega vel og voru komnir í 2-0 eftir aðeins tíu mínútur í þeim seinni.
Ólafur Aron Pétursson skoraði fyrra markið og Elfar Árni Aðalsteinsson bætti við öðru eftir virkilega laglega sókn.
KA lyftir sér upp í fimmta sæti deildarinnar með sigrinum og er fjórum stigum frá toppliðum ÍA og Breiðabliks sem mætast í kvöld.