fbpx
Miðvikudagur 27.ágúst 2025
Fréttir

Ferðamenn tóku myndir inn um glugga: „Það var orðinn nettur pirringur“ – Setja reglur fyrir túrista

Ritstjórn DV
Þriðjudaginn 14. maí 2019 08:57

Ekki missa af Helstu tíðindum dagsins í pósthólfið þitt

Lesa nánar

„Þetta er pínulítill bær og það er rosalega mikil ferðmannaumferð hér,“ segir Aðalheiður Borgþórsdóttir, bæjarstjóri á Seyðisfirði, í samtali við Morgunblaðið í dag.

Í frétt blaðsins kemur fram að Seyðisfjörður hafi nú sett leiðbeinandi reglur til þeirra erlendu ferðamanna skemmtiferðaskipa sem heimsækja bæinn. Er Seyðisfjörður fyrsta bæjarfélagið hér á landi til að setja slíkar reglur.

Hátt í 70 skemmtiferðaskip munu koma til Seyðisfjarðar í sumar – býsna mikið sé litið til þess að Seyðisfjörður er ekki ýkja stór. Aðalheiður segir að hópur fólks hafi byrjað að ræða þetta fyrir tveimur árum og það hafi ekki komið til af góðu.

„Það var orðinn nettur pirringur því fólk er að taka myndir inn um glugga hjá fólki,“ segir Aðalheiður og bætir við að fólk hafi jafnvel verið að fara inn í garða.

Í reglunum er meðal annars kveðið á um að börn séu ekki mynduð án leyfis frá foreldrum. Þá eru ferðamenn hvattir til að ganga vel um og skilja ekki eftir rusl á víðavangi. Í frétt Morgunblaðsins kemur fram að reglurnar séu unnar í samvinnu við AECO, samtök leiðsöguskipafyrirtækja á norðurslóðum. Verkefnið er nýfarið af stað en fyrsta skemmtiferðaskip ársins kom til Seyðisfjarðar á miðvikudag í síðustu viku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 21 klukkutímum

Íslenska lögreglan brást konu sem kærði heimilisofbeldi – Sífelldar tafir og ruglingsleg málsmeðferð

Íslenska lögreglan brást konu sem kærði heimilisofbeldi – Sífelldar tafir og ruglingsleg málsmeðferð
Fréttir
Fyrir 22 klukkutímum

Blöskrar áform um stækkun Þjóðleikhússins – „Sú ráðdeild sem þjóðin þarfnast?“

Blöskrar áform um stækkun Þjóðleikhússins – „Sú ráðdeild sem þjóðin þarfnast?“
Fréttir
Í gær

Leiðsögumaður segir kerfið í Reynisfjöru ekki virka – Kolvitlaust veður en aðeins „miðlungshætta“

Leiðsögumaður segir kerfið í Reynisfjöru ekki virka – Kolvitlaust veður en aðeins „miðlungshætta“
Fréttir
Í gær

Ósáttur faðir barns í gámaskóla óttast um forgangsröðun bæjarins – „Enn eitt árið njóta þau ekki allra þeirra kosta sem skólar á Íslandi bjóða almennt upp á“

Ósáttur faðir barns í gámaskóla óttast um forgangsröðun bæjarins – „Enn eitt árið njóta þau ekki allra þeirra kosta sem skólar á Íslandi bjóða almennt upp á“