Jurgen Klopp, stjóri Liverpool, hefur ekki mikla trú á Manchester United fyrir leik gegn Manchester City á miðvikudag.
Grannaslagur af bestu gerð fer þá fram í úrvalsdeildinni en Liverpool þarf að treysta á að United geti tekið stig af City í toppbaráttunni.
Klopp hefur ekki of mikla trú á að það gerist eftir 4-0 tap United gegn Everton í gær.
,,Við getum ekki haft áhrif á grannaslaginn og það er eins og United sé ekki í stöðu til þess að hafa áhrif heldur,“ sagði Klopp.
,,Hvernig fór United leikurinn í dag? 3-0 eða 4-0 fyrir Everton?“
,,Grannaslagurinn er eðlilegur leikur, leikur sem City þarf að spila. Við þurftum líka að spila þennan leik og Manchester United var mun betra þá og leikurinn endaði 0-0.“
,,Kannski ef þeir eiga góðan dag þá gæti þetta endað með jafntefli.“