Það eru einhverjir stuðningsmenn Arsenal sem muna eftir varnarmanninum Nico Yennaris.
Yennaris er uppalinn hjá Arsenal en lék aðeins einn deildarleik með liðinu frá 2011 til 2014 áður en hann hélt til Brentford.
Þar spilaði Yennaris 144 deildarleiki á fimm árum en samdi við kínverska félagið Beijing Guoan fyrr á árinu.
Yennaris er fæddur og uppalinn í London en faðir hans kemur frá Kýpur og móðir hans er kínversk.
Yennaris hefur nú ákveðið að breyta nafni sínu í Li Ke í von um að fá tækifæri með kínverska landsliðinu.
Þessi 25 ára gamli leikmaður lék með U17, U18 og U19 ára landsliðum Englands en hefur nú virkt kínverskan ríkisborgararétt.
Yennaris kostaði Beijing fimm milljónir punda og er nú að læra kínverska tungumálið og ætlar að fara alla leið í þessari nýju áskorun.