Andy Robertson, leikmaður Liverpool, horfði ekki á leik Crystal Palace og Manchester City í gær.
City og Liverpool eru í titilbaráttu á Englandi en það fyrrnefnda vann 3-1 sigur á Palace fyrir leik Liverpool og Chelsea.
Robertson fylgdist ekki með þeim leik heldur var með stillt á golfið þar sem Tiger Woods vann Masters mótið í fyrsta sinn frá árinu 2005.
,,Ég vissi ekki einu sinni að City hefði bætt við þriðja markinu. Ég var að horfa á golfið,“ sagði Robertson.
,,Ég vildi sjá Tiger Woods vinna mótið svo við vorum með stillt á þá stöð, ég og James Milner.“
,,Ég er viss um að sumir af strákunum vissu af mörkum City en það var ekki eitthvað sem við ræddum. Við heyrðum ekki af úrslitunum fyrir leikinn og giskuðum bara að þeir hefðu unnið.“
