Það er útlit fyrir það að framherjinn Mame Biram Diouf eigi enga framtíð fyrir sér hjá Stoke á englandi.
Diouf hefur átt erfitt tímabil en hann hefur aðeins komið við sögu í 15 leikjum í öllum keppnum.
Þessi 31 árs gamli leikmaður hefur spilað með Stoke frá árinu 2014 en hefur nú skotið föstum skotum á stuðningsmenn liðsins.
,,Þeir hafa elskað mig of mikið hérna. Þess vegna er þessi staða mjög sorgleg því Stoke þýðir mikið fyrir mig,“ sagði Diouf.
,,Enskir stuðningsmenn búast við miklu en ef ég á að vera hreinskilinn þá eigum við verstu stuðningsmennina.“
,,Þeir eru mjög ástríðufullir en þeir hvetja leikmennina ekki áfram. Ef þú jafnvel finhnur ekki samherja þá rífa þeir þig í sig. Það er mjög erfitt.“
