Rúnar Alex Rúnarsson hélt hreinu í frönsku úrvalsdeildinni í dag er Dijon mætti Amiens í 32. umferð.
Rúnar og félagar þurftu í raun á sigri að halda í leiknum en liðið er nú sex stigum frá öruggu sæti.
Jafntefli var niðurstasðan á vellinum í Dijon þrátt fyrir að heimamenn hafi átt 18 marktilraunir gegn fjórum.
Ömurlegt atvik átti sér stað í leiknum í kvöld en hann var stöðvaður í fimm mínútur vegna rasisma.
Stuðningsmenn Dijon beindu niðrandi söngvum í átt að varnarmanninum Prince-Desir Gouano sem spilar með Amiens.
Um var að ræða kynþáttaníð en bæði lið neituðu að halda áfram keppni á meðan söngvarnir heyrðust á vellinum.
Gouano er dökkur á hörund en hann er 25 ára gamall og á að baki leiki fyrir yngri landslið Frakklands.
Stuðningsmenn Dijon buðu upp á apahljóð í átt að Gouano sem var að vonum sár hlustandi á áreitið.
Dijon’s Ligue 1 game v Amiens was interrupted for five minutes when teams stopped playing after French defender Prince Gouano was subjected to alleged racist chants.
— Sky Sports News (@SkySportsNews) 12 April 2019
Tonight’s Ligue 1 clash between Dijon & Amiens was temporarily halted after defender Prince Gouano confronted Dijon supporters for what he believed was monkey chanting. pic.twitter.com/gysvzu8zPA
— Get French Football News (@GFFN) 12 April 2019
