Það var verið að velta þungum steinum í Dr. Football, sem Hjörvar Hafliðason stýrir í dag. Rætt var ítarlega um íslenska boltann í þætti dagsins.
Hrafnkell Freyr Ágústsson og Mikael Nikulásson spáðu því báðir í þætti dagsins að FH yrði Íslandsmeistari í sumar. Flestir telja að Valur verði meistari þriðja árið í röð, þessir sérfræðingar eru ekki á sama máli.
,,Ég hef smá taugar til FH núna, það er öllum svo illa við Óla Kristjáns, hann pirrar marga,“ sagði Hjörvar Hafliðason, um málið þegar rætt var um FH.
Ólafur Kristjánsson, er að fara inn í sitt annað tímabil með FH. Eftir erfitt ár í fyrra, ætlar FH sér stóra hluti.
,,Ég sá hann um daginn, það er swager yfir honum sem hefur ekki verið.“
Eftir að Mikael og Hrafnkell höfðu spáð því að FH verði meistari, tók Kristján Óli Sigurðsson, til máls.
,,Þeir eru ekki spádómslega vaxnir þessir menn við hliðina á mér, FH verður ekki einu sinni í öðru sæti. Ég veit að Valur verður meistari.“
Þátt dagsins má heyra hér að neðan.
