Fjölskylda hins ástkæra listamanns, Margeirs Dire, óskar eftir því að vinir listamannsins sem fengu að geyma listaverk eftir hann, skili verkunum til fjölskyldunnar. Margeir var aðeins 34 ára en hann lést í Berlín þar sem hann var búsettur. Vinir og vandamenn hafa minnst hans víða á samfélagsmiðlum og meðal annars skrifaði rapparinn Gísli Pálmi:

„MUN ALDREI GLEYMA ÞÉR ELSKU VINUR, OG ALLT SEM ÞÚ GERÐIR FYRIR MIG.. DIRE4EVER.“

Óhætt er að segja að Margeir hafi verið meðal efnilegustu listamönnum Íslands. Hann stundaði nám á myndlistarbraut við Verkmenntaskólann á Akureyri, Myndlistarskólanum á Akureyri, Lahti institude of Fine arts og Art direction í IED Barcelona.

Hann var þekktur fyrir myndsköpun í mismunandi miðla svo sem vegglistaverk, strigamálverk, teikningar, video, tónlist, hönnun og listræna stjórnun. Margeir hélt fjölda einkasýninga bæði hér á landi og erlendis.

DV greindi frá opnun á sýningu hans Sömuleiðis síðastliðinn febrúar í Reykjavík. Þá lýsti Margeir sýningunni svo: „Ég reyni að vera í stanslausri þróun, að brjóta niður og byggja upp. Þema verkanna eru margþætt og hægt er að finna mismunandi útgöngupunkta í hverju verki. Sögur og samhengi sem koma út frá undirmeðvitundinni, alheimsvitundinni, guðdómleika eða hvað sem þú kýst að kalla það. Það eru nokkur atriði sem ég virðist sækja aftur í flestum verkum. Sjálfið, næmni, orka og bylgjutíðnir í kringum okkur og sú sem við gefum frá okkur.“

Skilið verkunum svo börn hans fáið notið þeirra

Í tilkynningu frá fjölskyldunni segir:

Okkar ástkæri faðir, kærasti, sonur, bróðir og barnabarn Margeir lést laugardaginn 30. mars. Við erum þakklát fyrir allan þann stuðning sem þið hafið sýnt okkur.

Margeir var hæfileikaríkur og afkastamikill listamaður. Við vitum að einhverjir vina hans fengu að geyma listaverk eftir hann og óskar fjölskyldan eftir að verkum hans verði skilað til ættingja svo ad börnin hans fái notið.