„Það er ýmislegt sem ber fyrir augu í umferðinni, en hér er ónefndur ökumaður að flytja nokkrar dýnur svo að eftir var tekið.“
Þetta segir lögreglan á höfuðborgarsvæðinu í færslu á Facebook-síðu sinni. Með færslunni birtist þessi mynd sem vakið hefur mikla athygli.
„Vegfarandann, sem sendi okkur þessa mynd, rak í rogastans og þótti þetta heldur óvarlega farið og undir það má vissulega taka. Annars segir myndin eiginlega allt sem segja þarf, en við vonum bara að ökumaðurinn hafi komið dýnunum í heilu lagi á áfangastað,“ segir lögreglan.
