Sextán manns sóttu um stöðu seðlabankastjóra en nöfn umsækjenda voru opinberuð í gær. Fjölmargir öflugir umsækjendur eru í þessum hópi; allt frá vel menntuðum hagfræðingum til fyrrverandi þingmanna og ráðherra.
Nú hefur veðmálasíðan Coolbet opnað fyrir veðmál á hver verður næsti seðlabankastjóri og eru stuðlarnar nokkuð athyglisverðir. Þannig er Arnór Sighvatsson talinn líklegastur með stuðulinn 1,80 en þar á eftir kemur önnur tveggja kvenna sem sóttu um; Katrín Ólafsdóttir lektor við Háskólann í Reykjavík. Hún er með stuðulinn 3,50.
Sá sem leggur þúsund krónur undir á að Arnór verði seðlabankastjóri getur því vænst þess að fá 1.800 krónur til baka en 3.500 ef Katrín verður skipuð í embættið.
Í Twitter-færslu Coolbet Ísland segir að stuðlarnir verði uppfærðir reglulega fram að kjöri og því gætu þeir tekið breytingum þegar nær dregur. Ekki er ljóst hvað liggur til grundvallar þessum stuðlum.
Arnór er ráðgjafi seðlabankastjóra og hefur hann starfað í Seðlabankanum um langa hríð. Hann var aðstoðarseðlabankastjóri um langa hríð en lét af embætti í fyrrasumar eftir að fimm ára skipunartími hans rann út. Þar áður var hann aðalhagfræðingur bankans. Hann er með doktorspróf í hagfræði frá Bandaríkjunum.
Á eftir Arnóri og Katrínu kemur Sturla Pálsson, framkvæmdastjóri markaðsviðskipta- og fjárstýringar í Seðlabankanum. Stuðullinn á að hann verði fyrir valinu er 6. Þar á eftir koma Ásgeir Brynjar Torfason (7), Ásgeir Jónsson (8,5), Benedikt Jóhannesson (9) og Þorsteinn Þorgeirsson (9).
Jón G. Jónsson er með stuðulinn 10 og Gylfi Magnússon stuðulinn 12. Þar á eftir koma Gunnar Haraldsson (13), Gylfi Arnbjörnsson (15), Hannes Jóhannsson (17), Jón Daníelsson (25), Sigurður Hannesson (27), Salvör Sigríður Jónsdóttir (35). Lestina rekur Vilhjálmur
