Sýslumaðurinn á höfuðborgarsvæðinu braut jafnréttislög þegar hann gekk framhjá karli og réð þrjár konur í sumarströf hjá embættinu í fyrra. Embættið gat ekki sýnt fram á að aðrar ástæður en kyn umsækjenda hefði ráðið niðurstöðu sýslumanns. Þetta er mat kærunefndar jafnréttismála en RÚV greinir frá málinu.

Maðurinn, sem var ekki boðaður í viðtal, kærði ráðningarnar á þeim forsendum að hann væri að minnsta kosti jafn hæfur þeim þremur konum sem ráðnar voru en 54 sóttum um starfið. Sýslumaður setti reynslu af þjónustu- og afgreiðslustörfum í forgang en í rökstuðningi sýslumanns, sem maðurinn kallaði eftir, kom fram að þeir hefðu allar reynslu af þjónustustörfum, hefðu komið vel fyrir í viðtali, verið áhugasamar og fengið góð meðmæli. Þá hefðu þær allar lokið tveimur árum við lagadeild.

Kærunefndin hafnar því mati sýslumanns að umsókn mannsins hefði ekki gefið til kynna áhuga á að starfa fyrir embættið. Þá segir að maðurinn hafi 21 mánaða reynslu af þjónustu- og afgreiðslustörfum en samanburður á þeirri reynslu og einnar þeirra konu sem ráðin var hefði átt að gefa sýslumanninum tilefni til að kanna nánar hæfni mannsins. Niðurstaða nefndarinnar er að ekki annað en kyn hafi ráðið ráðningunum.