Þar komst ökumaðurinn úr bifreiðinni en var síðan handtekinn. Hann er grunaður um að hafa verið undir áhrifum fíkniefna og með fíkniefni í fórum sínum. Hann var vistaður í fangageymslu.
Á áttunda tímanum í gærkvöldi var maður handtekinn í miðborginni eftir að hann hafði brotið rúðu og farið inn í hús og stolið áfengi.
Klukkan 20 var maður handtekinn í miðborginni grunaður um ólöglega bruggun áfengis. Hald var lagt á tækjabúnað og afurðir.
Skömmu fyrir klukkan 22 var karlmaður handtekinn í Fossvogshverfi. Hann hafði brotið rúður í þremur bifreiðum. Maðurinn, sem var í annarlegu ástandi, var vistaður í fangageymslu.
Á tólfta tímanum valt bíll í austurborginni. Enginn meiddist en tveir voru handteknir vegna málsins grunaðir um að hafa ekið bifreiðinni undir áhrifum áfengis og fíkniefna og að hafa aldrei öðlast ökuréttindi.
Fimm ökumenn voru handteknir í gærkvöldi og nótt grunaðir um akstur undir áhrifum fíkniefna. Einn var handtekinn grunaður um ölvun við akstur.
