Leikmenn Chelsea á Englandi óttast það að Eden Hazard, leikmaður liðsins, sé á förum í sumar.
Þetta segir bakvörðurinn Emerson Palmieri en Hazard er sterklega orðaður við Real Madrid.
Belginn segist vera búinn að taka ákvörðun um eigin framtíð en eins og er þá er óvíst hver hún er.
,,Hann sýnir það á hverjum degi hversu mikilvægur hann er. Við erum með marga gæðaleikmenn en hann er í öðrum flokki,“ sagði Emerson.
,,Hann er einn besti leikmaður heims. Persónulega þá sé ég hann ekki fara en þú veist aldrei hvað gerist.“
,,Eins og stuðningsmenn Chelsea þá óttumst við að hann gæti farið, ég trúi því þó enn að hann verði áfram.“