Gulu vestin hafa boðað til mótmæla á Austurvelli klukkan hálf fimm í dag í tilefni af dómi Mannréttindastóls Evrópu og krefjast afsagnar Sigríðar Á. Andersen, dómsmálaráðherra.
„Við krefjumst afsagnar Sigríðar Andersen dómsmálaráðherra í kjölfar dóms Mannréttindadómstóls Evrópu sem úrskurðar að skipan Sigríðar á dómum í Landsrétt hafi verið ólögleg. Dómsmálaráðherra sem grefur undan dómskerfinu verður að víkja.“
Mótmælendur skulu taka með sér banana, tákn bananalýðveldisins.
„Þar sem hagsmunir yfirstéttarinnar eru alltaf teknir fram yfir hagsmuni almennings og mannréttindi. Ekki henda banananum á eftir, borðið hann.“
Í beinu framhaldi af þeim mótmælum verða önnur mótmæli þar sem ofbeldi lögreglunnar gagnvart flóttafólki er mótmælt.