Stéttarfélög víða um heim hafa lýst yfir stuðningi við baráttu Eflingar, en klukkan 10 í morgun hófst sólarhrings verkfall hreingerningarfólks.
„Það er gríðarlega mikilvægt að finna fyrir stuðningi frá félögum okkur erlendis frá og það gefur okkur byr undir báða vængi.“ Segir Sólveig Anna Jónsdóttir, formaður Eflingar. „Við göngum spennt og full tilhlökkunar inn í daginn og þökkum fyrir allar góðar kveðjur sem okkur berast.“
Eflingu hafa borist stuðningskveðjur meðal annars frá Hotel- och Restaurangfacket (HRF) í Svíþjóð, sem sendir baráttukveðjur til „hugrakkra systra og bræðra á Íslandi“.
Einnig frá United Here, stéttafélag hótelstarfsmanna í Norður Ameríku sem segjast standa með Eflingu á alþjóðlegum baráttudegi kvenna í baráttunni “fyrir réttlæti og virðingu fyrir störfum láglaunakvenna um allan heim“.
Svissneska stéttarfélagið International Union of Food, Agricultural, Hotel, Restaurant, Catering, Tobacco and Allied Workers Assosiations (IUF) sendir stuðningskveðjur til hótelþerna og standa með Eflingu í baráttunni fyrir bættum l´fiskjörum og réttlátara samfélagi.
