Manchester United er ekki í frábærri stöðu í Meistaradeild Evrópu eftir leik gegn Paris Saint-Germain í kvöld.
Liðin áttust við í 16-liða úrslitum Meistaradeildarinnar en fyrri leikurinn fór fram á Old Trafford.
Það voru gestirnir í PSG sem höfðu betur að lokum með tveimur mörkum gegn engu.
Fyrra mark leiksins gerði Presnel Kimpembe eftir hornspyrnu og það síðara gerði Kylian Mbappe eftir laglega skyndisókn.
United þarf því að eiga ansi góðan leik í París ef liðið ætlar að komast í næstu umferð keppninnar.
United fékk einnig slæmar fréttir undir lok leiksins en Paul Pogba fékk þá að líta rautt spjald og verður ekki með í seinni leiknum.
Á sama tíma áttust við AS Roma og Porto en fyrri leikurinn þar fór fram á Ítalíu.
Roma hafði betur með tveimur mörkum gegn einu og er því með forystuna fyrir seinni leikinn.
Manchester United 0-2 PSG
0-1 Presnel Kimpembe(53′)
0-2 Kylian Mbappe(60′)
Roma 2-1 Porto
1-0 Nicolo Zaniolo(70′)
2-0 Nicolo Zaniolo(76′)
2-1 Adrian(79′)
