,,Nei við skulum bara þegja og einbeita okkur að spila fótbolta,“ skrifaði landsliðsfyrirliðinn Sara Björk Gunnarsdóttir á Twitter í dag.
Sara tjáir sig um Geir Þorsteinsson en hann býður sig fram til formanns KSÍ. Kosið er á morgun.
Bæði Sara og Dagný Björk Gunnarsdóttir hafa opinberlega stutt við bakið á Guðna Bergssyni sem býður sig fram á móti Geir.
Geir ræddi við fjölmiðla í gær og sagði að stelpurnar ættu að ‘einbeita sér að því að spila þennan fallega leik’.
,,Á mér ekki að vera sama um hagsmuni kvennalandsliðsins?“ bætir Sara við í stuttri færslu sem hún birti.
Það kemur í ljós á morgun hver tekur að sér formannsstarfið en ársþing KSÍ fer þá fram.
Geir er ásakaður um að sýna kvennalandsliðinu lítinn áhuga og hefur sambandið við Guðna verið meira síðan hann tók við starfinu fyrir tveimur árum.
— Sara Björk (@sarabjork18) 8 February 2019
