Sverrir Ingi Ingason miðvörður íslenska landsliðsins er að ganga í raðir PAOK frá Rostov í Rússlandi.

PAOK er besta lið Grikklands og hefur félagið verið á eftir Sverri allan janúar.

Nú á lokadegi félagaskiptagluggans er Sverrir Ingi að ganga í raðir PAOK og er kaupverðið sagt vera á bilinu 4-5 milljónir evra.

Það eru frá 550 milljónir til 790 milljónir íslenskra króna en Breiðablik fær 3,5 prósent af kaupverðinu í uppeldisbætur. Uppeldisbætur fást greiddar ef leikmaður færir sig á milli landa. Alfreð Finnbogason og Gylfi Þór Sigurðsson hafa skilað vel í kassann hjá Blikum og Sverrir er að gera slíkt hið sama. Þannig var hann seldur frá Viking í Noregi til Belgíu.

Frá Belgíu fór hann til Granada á Spáni og þaðan fór hann til Rostov í Rússlandi. Hann heldur nú til Grikklands.

0,25 prósent fæst fyrir hvert ár á aldrinum 12-15 ára og 0,5 prósent fyrir hvert ár frá 16 til 21 árs.

Sverrir yfirgaf Breiðablik þegar hann var tvítugur og því eiga Breiðablik rétt á 3,5 prósentum af kaupverðinum.

Breiðablik ætti því að fá 19,5 til 27 milljónir króna, eftir því hvert kaupverðið er en það hefur ekki fengið staðfest

Það er Rostov sem þarf að greiða upphæðina til Blika, rússagull á leið í Kópavoginn.

Hér að neðan má sjá þegar Sverrir og unnusta hans komu til Grikklands í dag.