Cristiano Ronaldo, einn besti íþróttamaður allra tíma hefur á síðustu mánuðum mátt liggja undir þungum ásökunum. Ronaldo er sakaður um nauðgun sem á að hafa átt sér stað árið 2009, þá sakar fyrrum ástkona hans um að vera geðveikan.
Hún segir Ronaldo ekki eðlilega persónu og að hann hóti henni því að setja myndir af henni naktri í umferð. Hefndarklám af verstu sort.
Ronaldo harðneitar öllum þessum sögum, lögreglan í Las Vegas vill fá lífsýni úr Ronaldo. Ástæðan er að Kathryn Mayorga segir Ronaldo hafa nauðgað sér árið 2009.
Meira:
Segir Ronaldo hóta því að birta hefndarklám af sér: Bauð henni fjármuni til að þegja
Þetta er konan sem sakar Cristiano Ronaldo um hrottalega nauðgun – „Ég reyndi að fara í burtu og hélt fyrir leggöngin“
Fyrrum ástkona Ronaldo segir hann geðsjúkling: Ætlar að að aðstoða konuna sem sakar hann um hrottalega nauðgun
Atvikið á að hafa átt sér stað nokkrum vikum áður en Ronaldo gekk í raðir Real Madrid. Mayorga hefur lagt fram gögn sem segja að Ronaldo hafi greitt fyrir henni að tjá sig aldrei um samskipti þeirra.
,,Þetta er einkamál hans, ég tala bara um fótbolta,“ sagði Max Allegri þjálfari Juventus og Ronaldo í dag.
Þessi slæma umræða hefur ekki áhrif á Ronaldo. ,,Hann hefur æft vel og fengið hvíld líka, við viljum spila alla þá 36 leiki sem við getum spilað það sem eftir er af tímabilinu. Ronaldo er klár í það.“
,,Ég vil ekki ræða einkalíf Ronaldo.“