Mauricio Pochettini, stjóri Tottenham, er orðaður við Manchester United og kemur til greina sem arftaki Jose Mourinho.
Pochettino er þó nýbúinn að skrifa undir nýjan samning við Tottenham og mun líklega ekki fara á næstunni.
Mourinho var rekinn frá United fyrr í dag, eitthvað sem Pochettino var sár að heyra.
,,Ég vil senda bestu kveðjur á Jose Mourinho. Mér þykir fyrir þessu, ég þekki hann vel og þetta eru sorgarfréttir,“ sagði Pochettino.
,,Það er ekki mitt mál hvað gerist hjá öðru félagi, ég vil bara senda bestu kveðjur á Jose.“
,,Það hafa margar sögusagnir verið uppi síðustu fimm ár. Ég virði skoðanir fólks.“
,,Sögusagnirnar eru alltaf í gangi og þetta er ekki mitt mál. Ég vil gera mitt besta hjá þessu félagi.“
