Bandaríska söng- og leikkonan Dawn Angeliqué Richard, betur þekkt sem Dawn Richard eða D∆WN er stödd hér á landi.
Söngkonan var að keyra í íslenskri náttúru með útvarpið í gangi þegar hún heyrði lag eftir sig og varð hissa. Deildi hún hluta úr laginu á Twitter síðu sinni ásamt myndbandi þar sem hún keyrir um. Sagðist Dawn vera orðlaus yfir því að Íslensk útvarpsrás skuli vera að spila lagið hennar en um rásina Útvarp 101 er að ræða.
Tónlistarmaðurinn Logi Pedro sem er þáttastjórnandi á útvarpsrásinni deildi færslu Dawn með orðunum: „Já þetta er eitt það nettasta sem hefur komið fyrir lengi,“ og stuttu síðar svarar Dawn Loga og segist endilega vilja mæta í stúdíó 101 til þess að taka lagið í beinni. Hvort af því verður er ekki komið á hreint en gaman verður að fylgjast með framvindu mála.
Já þetta er eitt það nettasta sem hefur komið fyrir lengi. ???????? https://t.co/gvbNhOCTZT
— Logi Pedro (@logipedro101) December 16, 2018
