Mauricio Pochettino, stjóri Tottenham, mun ekki bara fylgjast með leik sinna manna á morgun gegn Barcelona.
Tottenham mætir á Nou Camp og gæti þurft að sigra en Inter Milan mætir PSV Eindhoven á sama tíma á heimavelli.
Inter og Tottenham eru bæði með sjö stig fyrir lokaumferð morgundagsins en það síðarnefnda fær mun erfiðara verkefni.
,,Auðvitað, ég ætla ekki að ljúga. Við munum vita hvað gerist í þeim leik,“ sagði Pochettino.
,,Við munum fylgjast með en við einbeitum okkur að okkar leik. Það er mikilvægt að vita en líka að einbeita sér.“
,,Við verðum að mæta og keppa í okkar besta standi. Þetta er svo mikilvægur leikur, ekki bara líkamlega heldur andlega.“
