Wayne Rooney, leikmaður DC United, hefur opnað sig og tjáir sig um ákvörðunina að yfirgefa Manchester United í fyrra.
Rooney samdi þá við sitt uppeldisfélag Everton en hann var samningsbundinn United í heil 13 ár.
Rooney stoppaði ekki lengi á Goodison Park og var farinn til Bandaríkjanna eftir eitt tímabil.
,,Auðvitað sakna ég tímanns þarna. Þetta var hátindur ferilsins, að spila fyrir Manchester United og ég var þarna svo lengi,“ sagði Rooney.
,,Þetta var þó rétti tíminn. Ég var ekki að spila og ég er leikmaður sem hef alltaf viljað spila.“
,,Ég ræddi við þjálfarann og það var útlit fyrir það að ég myndi ekki fá að spila svo þetta var rétti tíminn og rétt ákvörðun.“
,,Það hefði auðvitað verið frábært að enda ferilinn þarna en fótboltinn breytist. Það er mikið sem gerist.“
